VOV4.K’ho - Di tơnkah Phật đản nam 2021, Phật lịch 2565, ngai òr (17/05) ala măt Ủy ban Mặt trận Dà lơgar Việt Nam, Bí thư Đảng Dà lơgar, Chủ tịch Ủy ban Mặt trận Dà lơgar Việt Nam ồng Đỗ Văn Chiến neh geh sră chờ gờm làng bol jăt yàng phờk gùt lơgar.

Tàm pang sră ồng Đỗ Văn Chiến pơyoa jơnau chờ gờm niam bơnĕ ngan tus mờ cau kơ đơng yàng, bal mờ làng bol jăt yàng phờk tàm lơgar mờ lơgar bơdìh wă rò dùl kàl Phật đản chờ hờp, geh uă nùs nhơm niam gùng yàng mờ sùm tam klăc bal tàm mpồl tam klăc gùt lơgar dê.

Tàm nùs nhơm chờ tơnkah tờm 2645 ngai deh bơh yàng phờk dê, bal mờ ngai chờ gùt làng bol lòt tĕ khà kuang bàng Quốc hội mờ HĐND ală cấp, ồng Đỗ Văn Chiến pin dờn là, gah jăt yàng Phờk Việt Nam geh pơn jăt tai tơnguh bơhiàn niam bơnĕ, ală bơta kuơ chài rơgơi, nùs nhơm niam mờ bơta pràn bơh gah jăt yàng Phờk dê nàng bal mờ làng bol gùt lơgar sơrlèt mờ kòp Covid-19 dơ̆ do.

Cau mblàng Ndong Brawl