VOV4.K’ho - Drim òr (31/08), tàm hìu Quốc hội, Chủ tịch Quốc hội ồng Vương Đình Huệ neh đơng lam pơrjum dơ̆ sơnrờp bơh Tiểu ban bơ̆t bơtàu tơngu me bè “Broă lơh jŏ jòng bơ̆t bơtàu, lơh gơs adăt boh lam mờ bơyai lơh jăt adăt boh lam tus nam 2030, gùng dà wèt tus nam 2045 di pal mờ jơnau kờñ bơ̆t bơtàu, lơh gơs dà lơgar adăt boh lam xã hội chủ nghĩa Việt Nam”, (gam sơnđan là Tiểu ban 1).

                                       Chủ tịch Quốc hội ồng Vương Đình Huệ pơrjum Tiểu ban 1

Tàm pơrjum ală kuang bàng tàm Tiểu ban 1 neh pơgồp jơnau đơs bè ală tơnguh me Chủ tịch Quốc hội ồng Vương Đình Huệ cri bơyai, hơ̆ là broă kơlôi sơnơng, broă lơh jăt pal bơyai lơh ală dơ̆ pơrjum cri bơyai, hòi jà broă tus bal bơta ngăc ngar bơh uă bơnah broă, cau jăk chài, pal ngui di pal broă mờng chài bơh ală lơgar, ngui cồng nha bơh broă lơh sa mờ măi mŏk 4.0. Pơgồp jơnau đơs tàm dơ̆ pơrjum, Chủ tịch Quốc hội ồng Vương Đình Huệ sồr, mpồl sền sơwì iăt uă ngan jơnau đơs bơh ală kuang bàng tàm Tiểu ban 1; ngui ală cồng nha bơh ală dơ̆ tơn jơh, gàr niam broă lơh pơn jăt tai, lùp sền broă mờng chài dunia; tàm tơngu me hơ̆ tơnguh bơtàu broă lơh mờ ai geh ală broă pa geh bơta hòi jà niam, ring bal uă.

Cau mblàng Ndong Brawl