VOV4.K’ho- Drim òr 15/5, di dơ\ Pơrjum dờng Yàng Phờk, Phờk lịch 2563, nam 2019, tàm Hìu Phờk Quán Sứ, [òn dờng Hà Nội, mò Nguyễn Thị Kim Ngân, Chủ tịch Quốc hội neh tus còp mờ chờ gờm Văn phòng I, Mpồl duh broă Yàng Phờk dà lơgar Việt Nam.

Ala mat kuang đơng lam bồ Đảng, Dà lơgar, Chủ tịch Quốc hội mò Nguyễn Thị Kim Ngân nting săp kơ\p kờ` jơh ală cau duh broă yàng Phờk mờ cau jat yàng Phờk Việt Nam să jan pràn kơldang, lơngăp lơngai.

Mò Nguyễn Thị Kim Ngân đơs là, Dơ\ lơh chờ Yàng Phờk ờ di mìng là jơnau đah jat yàng kuơmàng tàm rài kis đah huềng, nùs nhơm, pin dờn bơh ală cau jat yàng Phờk dê lơm gời ờ mờ gam là dơ\ lơh chờ niam chài gah jat yàng geh Liên hợp quốc dờp bơh nam 1999.

Chủ tịch Quốc hội còp mờ chờ gờm Mpồl duh broă Yàng Phờk Việt Nam   

Việt Nam neh bơyai lơh geh cồng nha Pơrjum dờng Yàng Phờk Liên hợp quốc Vesak 2019, wa\ rò rlau 1600 nă kuang bàng ala mat bơh 112 lơgar, kơnhoàl ù tiah tàm dunia tus Việt Nam tus bal ală broă lơh tờm tàm hìu yàng Phờk Tam Chúc, kơnhoàl Kim Bảng, càr Hà Nam.

Chủ tịch Quốc hội kơ\p kờ`m ală cau duh broă yàng pơn jat tai hòi jà cau duh broă yàng, cau jat yàng phờk bal mờ làng bol gùt lơgar lơh jat niam gùng dà broă lơh mờ kơrnoat boh lam bơh Đảng, Dà lơgar dê mờ lơh jat wil tơl kơnòl, gơnoar broă bơh làng bol dê tam klac bal, kis gơrờm bal nàng kờ` bơ\t bơtàu mờ sền gàr dà lơgar.

Cau mblàng Lơ Mu K’Yến