VOV4.K’ho-  Tàm dơ̆ lòt còp mờ lơh broă mờ ală càr tàm tiah Tây Nguyên, mho ngai 30/6, ồng Vương Đình Huệ- Chủ tịch Quốc hội mờ Mpồl lơh broă neh lòt còp mờ lơh broă mờ Kuang đơng lam bồ càr Dak Lak.

Chủ tịch Quốc hội ồng Vương Đình Huệ lơh broă mờ càr Dak Lak

Lơh broă mờ Kuang đơng lam bồ càr Dak Lak, Chủ tịch Quốc hội ring bal mờ ală kơnòl broă, gùng dà broă lơh bơh càr dê ai tơlik tàm 6 nhai lồi nam mờ đơs ngan càr pal pơn jat tai lam lơh jat niam ală Nghị quyết bơh Đảng dê mờ Đảng bộ càr dê; sền gĭt bơta gơlik geh bơh kòp Covid-19 dê nàng geh broă lơh bơsong di tŭ, sơlơ tơnguh broă lơh rcang sơndră kòp bơh tàm tŭ bơh sơnrờp mờ bơh ngài, bañ sền ờ sơ̆p mờ ờ rcang sền ngăc, kờp sền wơl ală gùng dà broă lơh 4 tàm dùl tiah tơn bơh mpồl lơh broă, phan bơna, sơnơm tơm ƀa nàng ờ gơtìp rơmơ̆p ndơl mờ nisơna.

Chủ tịch Quốc hội ồng Vương Đình Huệ pà phan ai công nhân tàm Dak Nông in

Tàm dơ̆ lòt lơh broă tàm càr Dak Nông, Chủ tịch Quốc hội neh còp mờ pà phan ai ală công nhân geh rài kis kal ke gơwèt Công ty trà Alumin, xã Nhân Cơ, kơnhoàl Dak R’lấp; còp rơndap broă lơh Tổ hợp hìu măy lơh gơlik Alumin Nhân Cơ – Dak Nông dê.

Cau mblàng K’Hạnh