VOV4.K’ho – Tàm hìu lơh broă Quốc hội, Chủ tịch Quốc hội, mò Nguyễn Thị Kim Ngân neh geh dơ\ cribơyai tàm điện thoại mờ Chủ tịch Quốc hội Lào, mò Pany Yathotou nàng cribơyai bè broă rơcang sơndră kòp Covid-19 tàm tơl lơgar mờ bè tơngai lam lơh Hìu lơh broă Quốc hội Lào. Chủ tịch Quốc hội Việt Nam đơs nền, rlau mờ tu\ lơi jơh, Mpồl bơtìan ASEAN pal tơnguh nùs nhơm tam klac, tam pà, dong kờl bal mờ gơp tềng đap kòp dờng Covid-19. At gơnoar broă Chủ tịch Hội đồng Liên Nghị viện ASEAN (AIPA) nam 2020, Quốc hội Việt Nam neh jơh nùs rơcang bơyai lơh ală broă lơh pơrjum tàm tơngume broă lơh nam Chủ tịch AIPA.

Bè broă lơh Hìu Quốc hội pa bơh lơgar Lào dê, 2 gah đơs là, do là phan pà bơh Đảng, dà lơgar mờ làng bol Việt Nam dê pà Đảng, dà lơgar mờ làng bol lơgar Lào in, là broă lơh geh kuơ bè chính trị - lơh broă mờ lơgar ndai, là rùp niam bơh git gơp lơh bơyô dờng màng, tam klac kuơmàng mờ lơh broă bal tơl làm đah Việt Nam mờ Lào. Tus tu\ do, sền bal, broă lam lơh broă lơh gam jat tu\ tơngai neh ai tơlik.

Cau mblàng K’Duẩn