VOV4.K’ho- Mho mang ngai 25/10, tàm Hìu Quốc hội, Chủ tịch Quốc hội ồng Vương Đình Huệ neh đơng lam dơ̆ lơh broă mờ ală anih lơh broă geh gơrềng bè broă lơh drơng broă dơ̆ pơrjum dơ̆ dùl Quốc hội khoă XV tàm poh pơrjum pa do. Đơs tàm dơ̆ lơh broă, Chủ tịch Quốc hội ồng Vương Đình Huệ pà gĭt, ală ngai do, Quốc hội neh lơh sir broă neh ai tơlik, rơndăp broă lơh dipal, jak chài, ngui jơh tŭ jiơ cribơyai tàm mpồl mờ tàm hìu pơrjum, jơh ală jơnau cih dan bơh ală kuang bàng dê ndrờm geh đơs.

Chủ tịch Quốc hội đơng lam pơrjum ai jơnau bơsram mờng chài

Chủ tịch Quốc hội đơs sùm, tơngai tus do, Quốc hội geh ai jơnau đơs tàm 05 rơndăp broă lơh adat mờ 2 rơndăp broă dờng ngan, hơ̆ là rơndăp wơl rài lơh sa mờ Rơndăp ù tiah ngui ù dà lơgar tơngai bơh nam 2021- 2030, wèt sền tus nam 2050 mờ broă rơndăp lơh ngui ù 05 nam (tơngai bơh nam 2021- 2025), do là ală broă gơdờp tus bơta kơ̆ kơl jăp bơtàu tơnguh dà lơgar mờ bơtàu tơnguh uă rài kis làng bol in. Den tàng bè hơ̆, ală anih lơh ƀău pal yal tơngĭt jơnau wil tơl, di broă, di anih; ală anih lơh broă bơh Quốc hội dê kờñ pal kơlôi sơnơng, cribơyai nền, ai jơnau đơs bơh ală kuang bàng Quốc hội dê.

Cau mblàng Lơ Mu K’Yến