VOV4.K’ho- Mho ngai 03/11, Chủ tịch Quốc hội ồng Vương Đình Huệ neh đơng lam dơ̆ pơrjum dơ̆ pe bơh Mpồl đơng lam Đảng đoàn Quốc hội dê lơh jăt 4 tơngume geh jàu gơwèt Rơndăp broă lơh “Broă rơndăp lơh bơ̆t bơtàu mờ lơh sir gơs Dà lơgar gơnoar kơrnoăt boh lam xã hội chủ nghiã Việt Nam tus nam 2030, gĭt nền gùng dà tus nam 2045”.

Tàm dơ̆ pơrjum, Mpồl đơng lam bơh Đảng đoàn Quốc hội dê neh tơrgùm ai jơnau đơs bè broă lơh sir gơs Tơngume sồ 12 “Lơh sir gơs kơrnoat boh lam sền gàr Sơnoa boh lam lơh di jơnau sồr bơ̆t bơtàu, lơh sir gơs Dà lơgar gơnoar kơrnoăt boh lam xã hội chủ nghiã Việt nam”. Đơs tàm dơ̆ pơrjum, Chủ tịch Quốc hội ồng Vương Đình Huệ đơs niam ngan bơta rơcăng lài jơh nùs ngan mờ ală jơnau đơs tàm dơ̆ pơrjum. Jăt tàm jơnau iăt kơno uă ngan jơnau đơs tă pơgồp tàm dơ̆ pơrjum nàng lơh sir gơs, rơcăng cih tơngume tơl bơta, lơh geh bơta niam nàng jun yal tàm Đảng đoàn Quốc hội in.

Cau mblàng Lơ Mu K’Yến