VOV4.K’ho- Mho òr (06/5), tàm Hìu Quốc hội, Mpồl đơng lam bơ\t bơtàu Rơndăp broă lơh tơn jơh Nghị quyết 48 bơh Bộ Chính trị dê bè Broă lơh bơ\t bơtàu mờ lơh gơs ală kơrnoat boh lam Việt nam neh bơyai lơh Pơrjum dơ\ sơnrờp bơh bơta đơng lam bơh mò Nguyễn Thị Kim Ngân, Chủ tịch Quốc hội mơkung là Kuang atbồ Mpồl đơng lam.

Broă tơn jơh Nghị quyết nàng kờ` sền wơl bơta geh ngan broă lơh jat Broă lơh bơ\t bơtàu mờ lơh gơs ală kơrnoat boh lam lơgar he dê tàm 15 nam do, bơh hơ\ dan geh gùng dà broă lơh pơn jat tai bơ\t bơtàu mờ lơh gơs ală kơrnoat boh lam tàm tơngai tus, tơnguh uă bơta gơtùi ngui mờ cồng nha lơh jat kơrnoat boh lam, drơng broă bơ\t bơtàu ală Sră nggal Pơrjum dờng kuang bàng ala mat gùt lơgar dơ\ 13 bơh Đảng dê.

Đơs pơndu\t dơ\ pơrjum, Chủ tịch Quốc hội mơkung là Kuang atbồ Mpồl đơng lam mò Nguyễn Thị Kim Ngân đơs sùm, broă tơn jơh pal lơh jat di mờ tơngume, jơnau sồr bơh Nghị quyết 48 dê, tàm pơndrờm mờ bơta geh ngan tàm tu\ lơh mờ tàm ală tu\ bơtơl, bơtàu tơnguh ală gùng dà jơnau sồr bơh Đảng dê bè bơ\t bơtàu mờ lơh gơs ală kơrnoat boh lam, gơ jat bal mờ bơta geh ngan tàm ală tu\ tam gơl pa bồ tơngoh kơlôi sơnơng bè bơ\t bơtàu kơrnoat boh lam mờ lơh jat kơrnoat boh lam bơh Đảng he dê.

Cau mblàng Lơ Mu K’Yến