VOV4.K’ho- Jat nùs nhơm rơcang bơh gờñ, bơh ngài, bơh ngai 25 tus ngai 26/11 tàm hìu lơh broă Quốc hội, Chủ tịch Quốc hội ồng Vương Đình Huệ mờ ală Phó Chủ tịch Quốc hội lơh broă mờ Kuang gơnoar cih Quốc hội, Chủ nhiệm Văn phòng Quốc hội, Thường trực 2, 3 Ủy ban bơh Quốc hội dê, kuang đơng lam bồ 2, 3 Bộ, gah broă lơh dà lơgar nàng sền sơ wì bè 5 broă jal mhar, kờp dŭ geh ai tơlik nàng cribơyai tàm pơrjum nisơna bơh Quốc hội dê.

Đơs tàm dơ̆ lơh broă, Chủ tịch Quốc hội ồng Vương Đình Huệ đơs nền, do là ală tơngume cèng bơta jal mhar, nisơna, kuơmàng ngan ai broă lơh dà lơgar mờ rài kis làng bol dê, mơya kung là broă kal ke, pal jơh nùs rơcang lài nền nòn, di broă rơndap lơh, di jơnau cih bơh adat boh lam dê. Ală anih lơh broă bơh Quốc hội mờ Chính phủ dê pal pơgồp bal rơcang lài nền nòn, sền sơ wì nền cê, gàr bơta niam tơngume 5 broă; bal mờ hơ̆, Chủ tịch Quốc hội kung tơngkah, Quốc hội geh mìng sền sơ wì uă ngan rlau jơh 5 broă mờ ờ duh pal lơh gơ in dilah ală broă do geh bơta niam rơcang lài ờ jat jơnau sồr mờ ờ bơsir tai ală tơngume ndai.

Cau mblàng K’Duẩn