VOV4.K’ho- Ngai òr 8/1, tàm Hìu Quốc hội dê, mò Nguyễn Thị Kim Ngân, Chủ tịch Quốc hội mơkung là Kuang atbồ Pơrjum Nghị viện châu Á- Thái Bình Dương (APPF) tơngai lơh broă bơh nam 2017- 2018 neh đơng lam dơ\ pơrjum bè broă lơh rơcang Pơrjum ờs mờng pah nam dơ\ 26 bơh Pơrjum Nghị viện châu Á- Thái Bình Dương dê (APPF).

Mò Nguyễn Thị Kim Ngân đơs uă, Pơrjum APPF- 26 mờ tơngume “Gi\t gơ\p lơh broă bal nghị viện tài Ring lơngai, bơceh pa mờ Bơtàu tơnguh jo\ jòng” geh bơta kuơ dờng màng, là broă lơh geh kuơ ngan bơh nghị viện mờ nghị sỹ ală lơgar tàm mpồl dê kờ` bal Jơnau yal bơr Đà Nẵng bè “Lơh geh pràn chồl pa bal mờ gơ\p bơ\t bơtàu rài tơnơ\ do bal” mờ Pơrjum Kuang bàng dờng màng APEC dơ\ 25 neh ring bal.

Tàm pơrjum dơ\ do, nghị viện ală lơgar geh cribơyai bè lơh broă bal lơh sa, niam chài mờ bơtàu tơnguh tiah do tài ring lơngai, lơngăp lơngai, pas gơs, bơtàu tơnguh kơ\ jo\ jòng mờ glòm jơh, wèt tus broă ring bal dùl Jơnau yal bơr bal bơh Pơrjum dê.

Cau cih mờ yal tơngi\t- Lơ Mu K’Yến