VOV4.K’ho – Ngai òr (jat jiơ tiah do dê, mờ mho mang jat jiơ Hà Nội), tàm [òn dờng Toulouse (lơgar Tây), Chủ tịch Quốc hội mò Nguyễn Thị Kim Ngân tus bal Cribơyai lơh sa Việt Nam – Tây mờ đơng lam dơ\ tơn jơh pơrjum lơh broă bal đah ală tiah bơh lơgar Việt Nam mờ lơgar Tây dơ\ 11. Chủ tịch Quốc hội đơs là, cồng nha bơh pơrjum lơh broă bal đah ală tiah bơh lơgar Việt Nam mờ lơgar Tây neh dong kờl ai ală cồng nha mờ ală tiah 2 lơgar neh lơh geh tàm git nđờ jơt nam lơh broă bal, lơh gơs bơta pràn chul chồl ai ală bơta bơtàu tơnguh pa tàm broă lơh bal đah ală tiah bơh lơgar Việt Nam mờ lơgar Tây. Chủ tịch Quốc hội pin dờn, tàm dơ\ tìp mat tus tơ nơ\ 3 nam tai tàm Hà Nội, 2 lơgar digơlan geh uă tai cồng nha tàm broă lơh bal nàng bal mờ gơp tam pà mờ pơ gồp bơnah dong kờl ai bơta bơtàu tơnguh bơh tơl tiah dê. Đơs tàm dơ\ tơn jơh pơrjum, Phó Chủ tịch dơ\ 1 Thượng viện lơgar Tây đơs tờm, Thượng viện lơgar Tây sùm dong kờl ală gơnoar atbồ kấp hơ đơm tàm git gơp lơh broă bal mờ ală tiah bơh lơgar Việt Nam dê.

                Cau mblàng K’Duẩn