VOV4.K’ho- Drim ngai 24/3, tàm Hìu lơh broă Quốc hội, geh lơh dơ̆ mut pơrjum dơ̆ 11, Quốc hội khóa 14.

Pơrjum dơ\ 11, Quốc hội khóa 14

Đơs mut pơrjum, Chủ tịch Quốc hội, mò Nguyễn Thị Kim Ngân đơs nền, do là dơ̆ pơrjum cèng bơta tơrbŏ, pơgồp bơnah tàm broă tàm pơn dờn tơngai lơh broă bơh ală anih lơh broă tàm mpồl duh broă dà lơgar dê.

Chủ tịch Quốc hội, mò Nguyễn Thị Kim Ngân

Chủ tịch Quốc hội, mò Nguyễn Thị Kim Ngân đơs nền, tàm dơ̆ pơrjum do, Quốc hội geh bơyai lơh ală broă lơh bè, lời tŭ tơngai dipal nàng cribơyai, sền sơ wì broă lơh tơngai lơh broă khóa 14 bơh Quốc hội dê; sền sơ wì ală jơnau yal lơh broă tơngai bơh nam 2016 tus nam 2021 bơh: Chủ tịch lơgar, Ủy ban Thường vụ Quốc hội, Chính phủ, Hội đồng Dân tộc, ală Ủy ban bơh Quốc hội, Anih cah rơña jơnhua ngan rlau jơh dà lơgar, Viện Kiểm sát làng bol jơnhua ngan rlau jơh dà lơgar, Kiểm toán dà lơgar dê. Bơh hơ̆, geh sền sơ wì, ring bal Nghị quyết bè tơn jơh broă lơh bơh ală anih lơh broă tàm mpồl duh broă dà lơgar dê, tơngai lơh broă bơh nam 2016 tus nam 2021.

Cau mblàng K’Duẩn