VOV4.K’ho- Lòt còp mờ pà phan ai công nhân, cau lơh broă gơtìp kal ke tài gơ rềng bơh kòp Covid-19, Chủ tịch Quốc hội ồng Vương Đình Huệ đơs niam broă lơh ngan bơh công đoàn ală kấp tàm càr Dak Lak dê, bulah kal ke mơya neh lam lơh niam uă broă lơh dong kờl mpồl bơtiàn, sền gròi ai đoàn viên công đoàn in ờ mìng tàm càr mờ gam tă pơgồp dong kờl, pơn jờng cau lơh broă càr Bắc Giang, Bắc Ninh in tai... Do là ală broă lơh kuơmàng ngan, bềng lìu nùs nhơm niam, ai tơnggŏ bơta niam chài dờng ngan mờ lơh gơlik bơta gơ rề pràn kơldang ngan, pơgồp bơnah pơn jờng đoàn viên mờ cau lơh broă, ngan là ală cau geh rài kis kal ke pin dờn sơrlèt gan kal ke, lơh ngan lơh broă.

Chủ tịch Quốc hội ồng Vương Đình Huệ pà phan ai công nhân, cau lơh broă in

Chủ tịch Quốc hội ồng Vương Đình Huệ jờng rơ ală kấp công đoàn bơh càr Dak Lak dê mờ bơta tam pà, tă pơgồp bơh ală anih lơh broă, mpồl lơh broă, ală mpồl lơh sa kă bro dê. Di tŭ do, Chủ tịch Quốc hội ồng Vương Đình Huệ, cau gơnoar cih Quốc hội, Kuang atbồ Cơldŭ lơh broă Quốc hội ồng Bùi Văn Cường mờ ală kuang bàng tàm mpồl lơh broă neh jàu 50 bơnah phan pà ală công nhân, cau lơh broă gơtìp kal ke tài gơ rềng bơh kòp Covid-19.

Cau mblàng K’Duẩn