VOV4.K’ho- Di dơ̆ tơngkah kirsơnrai Ngai Cau lơh sa kă bro Việt Nam 13/10, mho ngai 07/10, tàm Hà Nội, ồng Vương Đình Huệ- Chủ tịch Quốc hội lòt còp VCCI mờ tìp mat cau ala mat cau lơh sa kă bro Việt Nam di ngai Cau lơh sa kă broă Việt Nam dê. Đơs tàm dơ̆ tìp mat, ồng Vương Đình Huệ đơs ngan, tơl broă lơh dà lơgar bơh Quốc hội dê, kờp jơh bal broă lơh lơh adat boh lam, jat sền dờng ngan rlau jơh mờ lơh nền ală broă kuơ màng dà lơgar ndrờm pal ơn làng bol mờ mpồl lơh sa kă bro tàm gơnoar broă tờm.  

Ala mat ală mpồl lơh sa kă bro, Hiệp hội đơs niam ngan Quốc hội, Uỷ ban Thường vụ Quốc hội neh di tŭ ngan, sơr băc mhar ai ngui Nghị quyết bè dong kờl cau lơh broă, cau ngui cau lơh broă bơh Kes priă Bảo hiểm ờ geh broă lơh gơguh tus 38 rơbô tơmàn đong. Mơkung geh jơnau đơs, jơnau dan uă tơngume, tàm hơ̆ kơ̆p kờñ Quốc hội sền gròi broă dơ̆ lĕ bal Nghị định, Thông tư nàng gàr niam di mờ nùs nhơm bơh adat mờ ngui geh tơn; ai ngui gờñ ală broă lơh dong kờl ngan ngồn ală mpồl lơh sa kă bro gam gơtìp kal ke, kong gơrềng bơh kòp Covid-19 jat broă lơh gĭt gờñ, geh ngan, di pal mờ tơl bơta bơh mpồl lơh sa kă bro dê, mờ gah broă lơh mờ gơtùi ngui geh broă lơh dong kờl bơh Dà lơgar dê.

Cau mblàng K’Hạnh