VOV4.K’ho- Tàm jơnau đơs tềng đap Quốc hội, di Ngai cau ling sồt să, cau ling chơt màng (27/7), Chủ tịch Quốc hội ồng Vương Đình Huệ đơs nền, lam lơh niam broă lơh dong kờl gơ wèt tus mờ cau geh màng mờ dà lơgar ờ mìng là nùs nhơm king crŭ, kơnòl broă dờng màng bơh jơh gùt mpồl chính trị mờ jơh gùt làng bol dê, mờ gam là bơta nàng gàr lam lơh di tơngai hơ pơrgon mờ ring bal mpồl bơtiàn, pơgồp bơnah gàr kơ̆ mpồl tam klac dờng jơh gùt jơi bơtiàn, sơlơ tơnguh bơta pin dờn bơh làng bol dê tàm Đảng, dà lơgar.

Ala mat Quốc hội, Chủ tịch Quốc hội ồng Vương Đình Huệ pơyua tus ală kuang bàng lơh broă kac màng dờng sơnam, ală mè Việt Nam khin cha jak chài, cau ling làng bol khin cha jak chài, cau lơh broă khin cha jak chài, ală cau ling sồt să, cau ling kòp tê jê să, cau tờm pròc mhàm cau ling chơt màng, cau geh màng mờ dà lơgar tàm gùt lơgar jơnau lùp còp đềt mềr, nùs nhơm dờng màng mờ bơta kah ưn ngài uă ngan.

Chủ tịch Quốc hội ồng Vương Quốc hội đơs nền, bơta phi să, tă pơgồp dờng màng bơh ală rơnàng lơh broă kac màng lài do, ală cau ling chơt màng, cau ling sồt să, hìu bơnhă cau ling chơt màng, cau geh màng mờ dà lơgar sùm là bơta pơn jờng nùs nhơm kuơmàng, pơgồp tai bơta pràn nàng jơh gùt Đảng, jơh gùt làng bol mờ jơh gùt ling klàng sơrlèt gan kal ke, bơta lòng, bơt bơtàu mờ bơtàu tơnguh dà lơgar pas sơm.

Cau mblàng K’Duẩn