VOV4.K’ho- Mho ngai 13/4, ồng Vương Đình Huệ Chủ tịch Quốc hội, Kuang ătbồ Mpồl duh broă tĕ khà dà lơgar dê bal mờ mpồl gròi sền, lòt sền bơh Ủy ban Thường vụ Quốc hội dê, Mpồl duh broă tĕ khà dà lơgar lơh broă mờ Ban Thường vụ Thành ủy, Ủy ban tĕ khà ƀòn dờng Hải Phòng. Đơs tàm dơ̆ lơh broă, ồng Vương Đình Huệ Chủ tịch Quốc hội, Kuang ătbồ Mpồl duh broă tĕ khà dà lơgar đơs là, Hải Phòng là anih bơh sơnrờp lòt sền, gròi sền tàm gơnoar broă pa, tài bơh do là dùl tàm ală tiah lơh jăt niam broă lơh tĕ khà nàng kờñ cribơyai, lùp bơsram mờng chài nàng geh ală jơnau đơs bal tàm gùt lơgar.

Ồng Vương Đình Huệ Chủ tịch Quốc hội sồr, tàm tơngai tus, ƀòn dờng Hải Phòng pơn jăt tai lơh jăt niam jơnau kờñ, jơnau sồr, bơta kuơ bơh dơ̆ tĕ khà dơ̆ do dê; kơlôi sơnơng pồ tơl kuang bàng mpồl duh broă ală kấp mờ jàu kơnòl broă loh làng ai tơl nă cau in tơnơ̆ tŭ pồ. Mpồl duh broă tĕ khà pal geh sồ điện thoại is bơsong ală jơnau digơlan gơlik geh ờ bè ờs gơlik geh nàng đơng lam di tŭ broă lơh tĕ khà.

Cau mblàng Lơ Mu K’Yến