VOV4.K’ho – Tàm dơ\ lơh broă tàm ală càr đah jum tàm gùl lơgar mờ Tây Nguyên, mho òr (19/3), Chủ tịch Quốc hội, mò Nguyễn Thị Kim Ngân bal mờ mpồl kuang bàng bơh Quốc hội dê lơh broă mờ kuang đơng lam tỉnh ủy Gia Lai. Cih dờp ală cồng nha mờ Đảng bộ bal mờ làng bol Gia Lai neh lơh geh tàm tơngai lài, Chủ tịch Quốc hội đơs tờm, càr pal geh gùng dà broă lơh kuơ màng ngan rlau jơh; bơcri lam lơh bơh bơta kal ke ngan rlau jơh bè: lam lơh niam broă lơh bơt bơtàu [òn lơgar pa; gơ hòi gơ jà uă rlau tai ală bơta pràn bơcri priă; tơnguh uă phan bơna lơh gơs bơh suơn sre nàng tac hờ lơgar ndai… bơsong kuơ màng broă tơnguh niam rài kis làng bol dê, wèt tus tơn jơh jơgloh tơmù r[ah mờ bơtàu tơnguh kơ\ kơljap. Chủ tịch Quốc hội sồr kuang đơng lam ală kấp tàm càr Gia Lai pal iat jơnau đơs làng bol dê, lòt sền nàng git ală bơta gơlik geh, ờ lời ală bơta dềt rơ hền gơbàn gơs broă dờng.

                  Cau mblàng K’Duẩn