VOV4.K’ho- Tàm dơ\ lòt lơh broă tàm ală càr tiah đah jum tàm gùl lơgar mờ Tây Nguyên, mho òr 18/3, mò Nguyễn Thị Kim Ngân Chủ tịch Quốc hội bal mờ Mpồl kuang bàng Quốc hội dê neh lơh broă mờ kuang đơng lam bồ càr Kon Tum.

Chủ tịch Quốc hội đơs niam ngan ală cồng nha mờ Đảng bộ bal mờ làng bol càr Kon Tum dê neh lơh geh tàm tơngai lài; jơh nùs lơh jat lơh niam wơl sră nggal, tơnguh uă pràn jak tàm pơrlòng, lơh niam wơl tiah bơcri priă, gơhòi gơ jà ală mpồl lơh sa kă bro dờng, dềt mờ di mơ tus lơh bal.

Broă prăp gàr mờ sền gàr bơta kuơ niam chài ală jơi bơtiàn kòn cau geh sền dờng màng. Lơngăp lơngai chính trị, rơndăp tăp sèng ờdo ờdă gùt mpồl bơtiàn geh gàr niam. Broă lơh lơh broă mờ lơgar ndai pơn jat tai sơlơ geh tơnguh mờ rề ơnàng.

Bulah bè hơ\, Chủ tịch Quốc hội kung đơs là, khà hìu r[ah mờ mờr ndrờm bè hìu r[ah bơh càr Kon Tum dê kung gam jơnhoa rlau 17%; càr pal lơh pràn rlau tai broă lơh tơn jơh jơgloh tơrmù r[ah ai làng bol in.

Chủ tịch Quốc hội lơh broă mờ kuang đơng lam bồ càr Kon Tum   

Đơs niam ngan ală gùng dà bơh càr Kon Tum dê tàm tơngai tus, Chủ tịch Quốc hội sồr càr Kon Tum pal lơh gơlik phan kă bro jat gùng dà công nghệ cao. Bơ\t bơtàu mat kă bro kơnuh sơnơm Ngọc Linh, Đẳng Sâm Kon Tum; tơrgùm ală bă ù nàng lơh gơlik phan bơna pràn bơh càr dê. Jơh nùs lơh uă rlau tai broă bơtàu tơnguh nhơl chờ, ai nhơl chờ gơ gơs là gah lơh sa tờm kuơmàng bơh kơnhoàl ù tiah Tây Nguyên dê.

Chủ tịch Quốc hội lòt còp mờ pà phan ai làng bol [òn Niam chài nhơl chờ [òn lơgar Kon Pring, xã Đăk Long

Lài hơ\, tàm [ùi drim, mò Nguyễn Thị Kim Ngân Chủ tịch Quốc hội neh geh dơ\ lơh broă mờ kuang đơng lam bồ kơnhoàl Kon Plông; lòt còp mờ pà phan ai làng bol [òn Niam chài nhơl chờ [òn lơgar Kon Pring, xã Đăk Long; lòt còp mờ pà phan bàr pe hìu bơnhă chính sách pơnrơ tàm càr Kon Tum in.

Cau mblàng Lơ Mu K’Yến