VOV4.K’ho- Chủ tịch Quốc hội ồng Vương Đình Huệ ngai 28/4 neh geh dơ̆ lơh broă mờ Thường trực Ủy ban Khoa học, Công nghệ mờ Môi trường. Chủ tịch Quốc hội đơs là, jat jơnau sồr bơh dà lơgar dê, Đảng đoàn Quốc hội geh pal bơt bơtàu dùl broă rơndap lơh jat Nghị quyết pơrjum dờng dơ̆ 13 bơh Đảng dê, Bộ Chính trị geh lòt sền tơngume do tàm quý 4 nam do. Ai tàm pơrjum dơ̆ 11, Quốc hội khóa 14 neh ring bal nghị quyết, tàm hơ̆ jàu Quốc hội in 8 mpồl broă nàng kờñ pơn jat tai tơnguh rlau tai broă lơh bơh Quốc hội dê. Do là dơ̆ lơh broă dơ̆ 10 bơh Kuang đơng lam bồ Quốc hội dê mờ ală anih lơh broă bơh Quốc hội dê.

Cồng nha Quốc hội neh lơh geh tàm 75 nam do mờ ngan là tàm tơngai lơh broă khóa 14 là dờng ngan, bulah bè hơ̆, bơh ală dơ̆ lơh broă kung neh ai gŏ, kung gam pal pơn jat tai tam gơl pa mờ tơnguh bơta niam, cồng nha lơh broă bơh Quốc hội dê tàm tơngai tus. Chủ tịch Quốc hội ồng Vương Đình Huệ sồr, Ủy ban Khoa học, Công nghệ mờ Môi trường rơcang lài bơt bơtàu rơndap broă pơn jat tai tam gơl pa broă tơnguh bơta niam, cồng nha lơh broă bơh Ủy ban dê ai Quốc hội khóa 15 in, bơh bơnàng jă mùl geh bè ală broă lơh crơng gơs adat boh lam, sền gròi mờ lơh nền ală broă kuơmàng bơh dà lơgar dê.

Cau mblàng K’Duẩn