VOV4.K’ho- Ngai òr 24/1, Mpồl kuang bàng bơh Quốc hội dê bơh mò Nguyễn Thị Kim Ngân, Chủ tịch Quốc hội lam bồ neh lòt còp mờ pà phan sa tềp ai hìu bơnhă chính sách, cau geh màng mờ dà lơgar, kơnòm dềt geh rài kis kal ke uă ir, hìu bơnhă r[ah mờ cau gơtìp aniai tài bơh sơnơm khih dioxin tàm càr Hậu Giang.

Lơh broă mờ kuang đơng lam bồ càr do, Chủ tịch Quốc hội đơs sùm: Hậu Giang pal pơn jat tai tam gơl rơndăp tăp sèng lơh sa dipal, lơh pràn lơh sa sươn sre; lơh niam ngan rlau jơh ală phan bơna sươn sre geh bơta pràn bơh càr dê, bè: kòi, prìt sơkò, ca` ờ geh gar, mãng cầu, ka thát lát…jat tàm bơta bơ\t bơtàu tiah mờng tam phan, ai priă jền bơcri jak chài măy mok tàm lơh sa, gơ jat bal mờ lơh mat phan kă bro…

Bal mờ sền gròi bơtàu tơnguh lơh sa, càr pal sền gròi bơsong niam ală broă ờ suk gơlik geh bơh tàm [òn lơgar, ba` lời gơlik geh tiah duh hồl tiah geh uă bơta yal yă sơrlèt kơnă, jo\ jòng, pal gàr niam kơ\ kơl jăp lơngăp lơngai chính trị, rơndăp tăp sèng ờdo ờdă gùt mpồl bơtiàn.

Cau mblàng Lơ Mu K’Yến