VOV4.K’ho- Drim ngai 14/4, Chủ tịch Quốc hội, Chủ tịch Mpồl duh broă tĕ khà dà lơgar, ồng Vương Đình Huệ bal mờ mpồl kuang bàng gròi sền, sền sơwì bơh Ủy ban Thường vụ Quốc hội, Mpồl duh broă tĕ khà dà lơgar lơh broă mờ Ủy ban tĕ khà càr Quảng Ninh.

Chủ tịch Quốc hội, ồng Vương Đình Huệ sồr, càr Quảng Ninh bơyai lơh dơ̆ tĕ khà di mờ jơnau sồr, tơnguh uă ngan rlau jơh gơnoar lơh tờm bơh làng bol dê, loh làng, song dơpă, gàr ờdo ờdă bè dữ liệu mờ tềm pềr, nàng ngai tĕ khà ngan ngồn là ngai chờ bơh jơh gùt làng bol dê. Chủ tịch Quốc hội, ồng Vương Đình Huệ pin dờn, Quảng Ninh geh bơyai lơh geh cồng nha dơ̆ tĕ khà Kuang bàng Quốc hội khóa 15 mờ tĕ khà kuang bàng Hội đồng Nhân dân ală kấp, tơngai lơh broă bơh nam 2021 tus nam 2026 mờ ală jơnau kờñ, cau tĕ khà lòt pồ uă ngan rlau jơh; ờdo ờdă; lơh gơlik bơta ring bal uă, rơ wah ală cau dipal ngan rlau jơh.

Cau mblàng K’Duẩn