VOV4.K’ho - Pa do, tàm càr Bình Thuận, Chủ tịch Quốc hội mò Nguyễn Thị Kim Ngân bal mờ mpồl kuang bàng lơh broă bơh Quốc hội neh geh dơ\ lơh broă mờ kuang bàng đơng lam càr bè broă lơh sa mpồl bơtiàn, broă bơ\t bơtàu Đảng nam 2018 mờ 3 nhai bồ nam 2019; ală kơnòl tòm pal tơrgùm lơh jăt tàm tơngai tus.

Đơs tàm dơ\ lơh broă, Chủ tịch Quốc hội đơs niam ală cồng nha mờ càr Bình Thuận neh lơh geh tàm tơngai do tàm ală gah broă bè tơnguh bơtàu lơh sa mpồl bơtiàn, bơto bơtê mờ bơsram, lơh sơnơm, rài kis lơh sa mpồl bơtiàn; ală kơrnoăt bơh Đảng, Ban bí thư geh lơh jăt nền nòn.

Chủ tịch Quốc hội đơs là, càr Bình Thuận là tiah geh uă bơta niam bè dà lềng, ală bơta phan geh is, mơya kung gam geh uă bơta kal ke bè: ờ tơl dà lơh sa mờ dà ngui sa; sơgràm uă tiah lơh titan; tàm broă tơnguh bơtàu broă lơhsa mờ măi mo\k, tàm hơ\ uă ngan là năng lượng gam kòl broă bơsong sìô siă kră Vĩnh Tân.

Bơdìh hơ\ tai, rơndăp broă ù drơng ai tơnguh bơtàu lơh sa gam kal ke; gùng lòt lơh broă mờ tiah ndai gam ờ tơl; bơta pràm tàm pơrlòng bơh broă lơh sa ờ uă.

Kờ` ai geh broă tam gơl kuơ màng tàm tơngai tus, Chủ tịch Quốc hội đơs tòm Đảng bộ, gơnoar atbồ bal mờ làng bol càr Bình Thuận pal tam klăc bal, ring bal, lơh ngan sơlèt mờ ală kal ke, tam gơl pa, bơceh pa kờ` geh khà broă jăt Nghị quyết pơrjum dờng Đảng bộ càr neh ai geh.

Cau mblàng Ndong Brawl