VOV4.K’ho - Mho mang òr 5/3, tàm hìu lơh broă Quốc hội, Chủ tịch Quốc hội, mò Nguyễn Thị Kim Ngân lơh broă mờ Chủ tịch Quốc hội lơgar Lào, mò Pany Yathotou di dơ\ tus còp mờ lơh broă tàm lơgar Việt Nam.

Tàm dơ\ lơh broă, 2 Chủ tịch Quốc hội ring bal geh sơlơ lơh broă bal đah ală ủy ban lơh broă ờs mờng bơh 2 Quốc hội dê; lơh ngan cribơyai mờng chài lơh broă đah HĐND ală tiah bơh 2 lơgar dê; cribơyai mờng chài bè broă bơyai lơh mpồl kuang bàng lơh broă bơh dà lơgar dê.

Chủ tịch Quốc hội đơs niam jơnau kuơ màng dơ\ tus còp bơh Chủ tịch Quốc hội lơgar Lào dê, mơkung là cơng tàng bè bơta pin dờn bơh Quốc hội Lào ai Quốc hội Việt Nam in.

Quốc hội Việt Nam git wă uă ngan là, broă ngai sơlơ bơt bơtàu mờ bơtàu tơnguh git gơp lơh broă bal đah Việt Nam-Lào là dùl tàm ală kơnòl kuơ màng, là bơta kah yau dờng ngan geh kuơ gơ rềng tus bơta kis gơs gơwèt mờ ngap lơngai mờ bơtàu tơnguh bơh tơl lơgar dê.