VOV4.K’ho - Kung tàm ngai òr (01/4), Chủ tịch Quốc hội mò Nguyễn Thị Kim Ngân bal mờ mpồl kuang bàng ala măt dờng màng Quốc hội lơgar Việt Nam neh lơh broă mờ mpồl Nghị sĩ Hữu lnghị ơgar Tây mờ lơgar Việt Nam bal mờ ala măt bơh 15 anih lơh sa kă bro dờng lơgar Tây.

Tàm dơ\ lơh broă, uă anih lơh sa kă bro dờng lơgar Tây bè Air Liquide, Total đơs niam bơta geh bơh drà kă bro lơgar Việt Nam tàm gah năng lượng, kuơ màng là năng lượng geh lơh wơl, tơnguh bơtàu broă bơ\t bơtàu gah rơndeh par, logistics, phan lơh sơnơm, lơh sơnơm, lơh drà blơi phan mờ ai phan sa kloh niam.

Chủ tịch Quốc hội mò Nguyễn Thị Kim Ngân đơs, Quốc hội lơgar Việt Nam geh pơn jăt tai lơh gơs adăt boh lam bè lơh sa, gàr niam nùs nhơm ring bal, loh làng, ờ tam cah is bơh ală anih lơh sa kă bro bơcri priă tàm lơgar mờ lơgar bơdìh.

Quốc hội lơgar Việt Nam geh bal mờ anih lơh sa kă bro, anih lơh sa kă bro bơcri priă, bơsong ală kal ke tài broă lơh geh cồng nha bơh anih lơh sa kă bro lơgar Tây là cồng nha bơh lơgar Việt Nam dê.

Cau mblàng Ndong Brawl