VOV4.K’ho- Drim òr, 21/1, tàm hìu Quốc hội, Chủ tịch Quốc hội mò Nguyễn Thị Kim Ngân đơng lam dơ\ tìp mat cribơyai broă mờ Chủ tịch Thượng viện lơgar Australia ồng Scott Ryan di dơ\ lòt còp lơgar Việt Nam.

Tàm dơ\ tìp mat cribơyai broă, 2 kuang đơng lam bồ drờm đơs là, broă ală lơgar tus bal ring bal Hiệp định lơh broă bal tơl làm mờ lơh gơguh jak gùt Thái Bình Dương- CPTPP geh sơlơ tơnguh lơh broă bal lơh sa ală tiah rềp bal đơs bal tàm hơ\ geh lơgar Việt Nam mờ lơgar Australia.

2 kuang đơng lam bồ ring bal gùng dà broă lơh tàm gah lơh broă bal sền gàr lơngap lơngai- sền gàr dà lơgar ngai sơlơ mut lơh ngan ngồn, pin dờn mờ kơ\ kơl jap, ngan là bè broă bơto bơtê đơs dà Mỹ, pơgồp bal lơh bal mpồl ling sền gàr lơngap lơngai Liên hợp quốc, rcang sơn dră sò tơm iơh bơsak mờ cau lơh tìs gan dà lơgar…

Do kung là broă nàng Việt Nam mờ Australia tă pơgồp bal, tơngo\ là ală lơgar tàm mpồl bal geh kơnòl broă mờ mpồl bơtìan dunia.

Cau mblàng K’ Hạnh