VOV4.K’ho-  Drim òr, 14/1, tàm Hà Nội, Bộ Quốc phòng mờ Ủy ban Mặt trận dà lơgar Việt Nam bơyai lơh Pơrjum sền wơl mờ tìp mat cau pơn rơ jak mut lơh Ngai tiah nhàr lơgar gùt làng bol tơngai bơh nam 2009-2019; jàu bằng khen bơh Thủ tướng Chính phủ dê ai 33 mpồl cau bal, 4 nă cau dùl nă să is mờ Bằng khen bơh Bộ trưởng Bộ quốc phòng ai 40 mpồl cau bal in, 67 nă cau dùl nă să is jak ngan tàm broă mut lơh Ngai sền gàr tiah nhàr lơgar gùt làng bol tơngai bơh nam 2009-2019.

Chủ tịch Quốc hội mò Nguyễn Thị Kim Ngân tus bal pơrjum, mờ đơs tờm là, broă sền gàr tơl làm gơnoar tờm ù tiah, lơngap lơngai tiah nhàr lơgar, tiah dà lềng là kơnòl broă kuơ màng, bơh ală kấp, ală gah sơnah lơh broă, ală anih lơh broă, mpồl lơh broă mơ bơh kuang bàng, cau ling dê pal lơh ngan tam gơl pa nàng bơt bơtàu tiah nhàr lơgar pràn kơ\ kơl jap mờ tơl làm.

Cau mblàng K’ Hạnh