VOV4.K’ho - Tàm dơ\ tus còp mùl màl lơgar Singapore jăt jơnau jà bơh Chủ tịch Quốc hội  lơgar Singapore ồng Tan Chuan Gin, drim òr (27/11), Chủ tịch Quốc hội mò Nguyễn Thị Kim Ngân neh wă ala măt uă anih lơh sa kă bro lơgar Singapore gam bơcri priă tàm lơgar Việt Nam.

Mò Nguyễn Thị Kim Ngân đơs tòm, anih lơh sa kă bro tàm lơgar mờ anih lơh sa kă bro geh priă bơcri tơn bơh lơgar bơdìh (FDI) geh sền là bơta pràn chồl pràn tơnguh lơh sa, tơnguh bơta pràn tàm pơlòng dà lơgar, tam gơl pa broă tơnguh lơh sa tàm lơgar Việt Nam.

Bơdìh mờ gah tăc phan mờ lơgar ndai, tơnguh bơtàu drà kă bro tàm lơgar kung geh là bơta pràn chồl pràn tơnguh lơh sa tàm lơgar Việt Nam dê.