VOV4.K’ho- Ngai òr 2/5, tàm Jrong toạ độ Dà lơgar, kơi sồ 0, [òn Mũi, xã Đất Mũi, kơnhoàl Ngọc Hiển, càr Cà Mau, mò Nguyễn Thị Kim Ngân, Chủ tịch Quốc hội tus bal Dơ\ bơyai lơh tam 1 tơlak tờm chi ai Việt Nam in bơh Bộ Tài nguyên mờ Môi trường, Ủy ban Nhân dân càr Cà Mau mờ Công ty Cổ phần dà toh Việt Nam pơgồp bal bơyai lơh.

Mò Nguyễn Thị Kim Ngân, Chủ tịch Quốc hội tam chi

Mờ nùs nhơm “Hùc dà kah tô dà”, Kes priă 1 tơlak tờm chi ai Việt Nam in neh geh tam tàm càr Cà Mau- tiah cih tềl kah yau bơh dơ\ tam lơh làng bol sền gàr Dà lơgar mờ dơ\ kăc mạng dong klàs jơi bơtiàn mờ jơnau kờ` lơh geh ù tiah [òn lơgar, pơgồp bơnah kơryan bơta cò pơrdô ù kềng gah dà lềng mờ bơsong jơnau gơlời wơl bơh trồ tiah lơh aniai tàm tiah ring dà dờng Cửu Long- tiah tờm lơh sa sươn sre dờng ngan rlau jơh gùt lơgar dê.

Nam do, Kes priă tam mờr 100 rbô tờm chi ală bơta, bè: đước, phi lao, xà cừ..kờp mờ priă là rlau 800 tơlak tam tiah gah dà lềng xã Đất Mũi, kơnhoàl Ngọc Hiển mờ kơnhoàl Cái Nước, càr Cà Mau dê.

Cau mblàng- Lơ Mu K’Yến