VOV4.K’ho - Drim òr (13/04), Chủ tịch Quốc hội ồng Vương Đình Huệ, Chủ tịch Hội đồng tĕ khà dà lơgar bal mờ mpồl kuang bàng sền gròi, sền gròi bơh Ủy ban Thường vụ Quốc hội, Hội đồng tĕ khà dà lơgar sền gròi broă rơcang tĕ khà kuang bàng Quốc hội khoă 15, Kuang bàng Hội đồng Nhân dân (HĐND) ală cấp tơngai bơh nam 2021 tus 2026 tàm xã Kiến Thiết mờ kơnhoàl Tiên Lãng, ƀòn dờng Hải Phòng.

Bơh broă sền gròi mờ iăt jơnau yal bơh kuang đơng lam xã Tiên Lãng, kơnhoàl Tiên Lãng, Chủ tịch Quốc hội ồng Vương Đình Huệ, Chủ tịch Hội đồng tĕ khà dà lơgar sồr, Mpồl đơng lam tĕ khà kơnhoàl, xã pơn jăt tai pơgồp bal nền nòn nàng lơh jăt niam kơnòl să tờm; sền wơl nền nòn dơ̆ dŭt ndơl khà măt cau tĕ khà tus bal tĕ khà, nàng gàr niam gơnoar bơh làng bol, bañ lời gơtìp ờ tơl cau tĕ khà.

Broă rơcang tĕ khà lơh khoa học, ƀuơn ai cau tĕ khà in. Chủ tịch Quốc hội ồng Vương Đình Huệ sồr tơnkah, bơta kòp Covid-19 tàm dunia tŭ do gam kal ke. Hội đồng tĕ khà dà lơgar geh gờñ ai jơnau bơyai lơh tĕ khà di lah kòp Covid-19 gơtìp kal ke mờ ală bơta krơi is nàng bơto sồr ală tiah in.

Cau mblàng Ndong Brawl