VOV4.K’ho - Di tàm tŭ mò Marketa Pakarová Adamova geh pồ lơh Chủ tịch Hạ viện lơgar Séc, Chủ tịch Quốc hội ồng Vương Đình Huệ neh pơyoa sră chờ gờm. Tàm pang sră, Chủ tịch Quốc hội ồng Vương Đình Huệ tơlik nùs nhơm chờ hờp tŭ gŏ broă lơh git gơ̆p, lơh bơyô bal ờs mờng mờ lơh broă bal uă bơta đah lơgar Việt Nam mờ lơgar Séc tàm tơngai do pơn jăt tai tơnguh bơtàu ngai sơlơ pràn kơl dang, jrô ơnàng; broă lơh git gơ̆t lơh broă bal đah ală Anih lơh broă Adăt boh lam bàr lơgar geh lơh sùm, chồl pràn jơh tàm bơta geh bal đah bàr lơgar mờ ală ală tiah.

Tàm tơngai tus, Chủ tịch Quốc hội ồng Vương Đình Huệ kơ̆p kờñ bal mờ mò Chủ tịch Hạ viện lơgar Séc pơn jăt tai pơgồp bal nền nòn, chồl pràn broă lơh git gơ̆p, lơh bơyô bal mờ lơh broă bal niam bơnĕ đah bàr lơgar, bàr Anih lơh broă adăt boh lam ngai sơlơ nền nòn, kơl jăp, geh cồng nha mùl màl, tài bơta kuơ bal bơh làng bol bàr lơgar, tài bơta ring lơngai, ring niam, pas gơs bơh tiah do dê mờ tàm dunia.

Cau mblàng Ndong Brawl