VOV4.K’ho - Mho òr (21/06), tàm hìu Quốc hội, Chủ tịch Quốc hội ồng Vương Đình Huệ neh cri bơyai pờ tơlĭk tàm internet mờ Chủ tịch Hạ viện lơgar Nhờk ồng Oshima Tadamori.

Chủ tịch Quốc hội ồng Vương Đình Huệ cri bơyai mờ Chủ tịch Hạ viện lơgar Nhờk

Chủ tịch Quốc hội ồng Vương Đình Huệ đơs tai, lơgar Việt Nam sùm sền kuơ lơgar Nhờk là lơgar lơh broă jŏ jòng jrô ơnàng, kuơ màng lài ngan, jŏ jòng mờ nùs nhơm pin dờn uă tàm broă lơh bal mờ lơgar ndai lơgar Việt Nam dê; kờñ bal lơgar Nhờk tơnguh gơnoar lơgar pràn gùt plai ù, pơgồp bal niam tus bơta ring lơngai mờ tơnguh bơtàu bơh tiah do dê mờ tàm dunia.

Tàm pơrjum, bàr gah ring bal pơn jăt tai tìp bal, chồl pràn broă lơh gĭt gơ̆p, lơh broă bal nghị sĩ bàr lơgar, tàm hơ̆ uă ngan là nghị sĩ kơnòm să, cau ùr nghị sĩ, mpồl nghị sĩ gĭt gơ̆p, lơh bơyô; pơn jăt tai tơnguh broă tìp bal làng bol bàr lơgar bơh broă lơh mpồl lơh broă ală mpồl nghị sĩ ală tiah bơh bàr lơgar còp, lơh broă, hòi jà bơcri priă, yal rùp rài, bơta geh nhơl chờ mờ tìp bal bơta chài rơgơi tàm lơgar Việt Nam.

Cau mblàng Ndong Brawl