VOV4.K’ho- Mho òr (30/08), tàm hìu Quốc hội, Chủ tịch Quốc hội ồng Vương Đình Huệ cri bơyai pờ tơlik tàm internet mờ Chủ tịch Quốc hội lơgar Thái Lan ồng Chuan Leekpai.

Tàm dơ̆ cri bơyai, bàr Chủ tịch Quốc hội ndrờm đơs là, bàr gah sùm geh ală dơ̆ tìp bal dờng màng mờ ală cấp, tàm hơ̆ uă ngan là ală kơrnoăt lơh broă bal đah bàr lơgar tŭ do geh. Mờ gờñ lơh gơs mờ kĭ hơ bal broă lơh git gơ̆p, lơh broă bal jŏ jòng, tơnguh tơngai bơh nam 2021 tus 2025; chồl pràn broă cri bơyai, kĭ hơ bal ală sră nggal adăt boh lam kuơ màng bè Hiệp định lam lòt, Hiệp định dong kờl tư pháp tàm gah broă làng bol. Bè broă lơh bal đah bàr Quốc hội, Chủ tịch Quốc hội bàr lơgar ndrờm đơs là, bàr gah pal tơnguh broă tam gơl mpồl kuang bàng đơng lam dờng mờ ală ủy ban, lơh broă bal bơh ală anih lơh broă tờm bơh bàr Quốc hội. Bàr Quốc hội lơh broă bal nền nòn tàm ală dơ̆ pơrjum cri bơyai tàm tiah do mờ tàm dunia; kờñ bal mờ nùs nhơm, broă lơh bal bè ală broă tàm tiah do mờ tàm dunia geh sền gròi bal.

Cau mblàng Ndong Brawl