VOV4.K’ho - Tàm dơ̆ tus còp mùl màl lơgar Phần Lan, Chủ tịch Quốc hội ồng Vương Đình Huệ neh cri bơyai mờ Thủ tướng lơgar Phần Lan mò Sanna Marin. Thủ tướng mò Sanna Marin đơs, lơgar Việt Nam là dùl tàm ală lơgar geh broă lơh bal kuơ màng lơgar Phần Lan dê tàm mpồl ASEAN mờ tàm châu Á – Thái Bình Dương, bàr lơgar neh lơh broă bal geh cồng nha bè broă lơh sa, bơto bơtê, lơh broă bal tơnguh bơtàu, tiah kis.

Bàr nă kuang đơng lam kung cri bơyai bè broă lơh bal tàm ală cơ chế uă bơta, mờ đơs bàr lơgar ndrờm tus bal mờ geh gơnoar niam tàm mpồl tam klăc châu Âu (EU) mờ mpồl ASEAN, pal pơn jăt tai pơgồp bal mờ dong kờl bal, tus bal tàm broă lơh ngan bal pơgồp bal đah mpồl ASEAN mờ mpồl tam klăc châu Âu, pơgồp bal tơnguh broă lơh bal jŏ jòng đah mpồl ASEAN mờ mpồl tam klăc châu Âu pa geh crơng gơs.

Cau mblàng Ndong Brawl