VOV4.K’ho- Dờp jơnau jà bơh Chủ tịch Quốc hội Phần Lan  mò Anu Vehvilainen, Chủ tịch Quốc hội ồng Vương Đình Huệ mờ Mpồl Kuang bàng kấp dờng màng Quốc hội Việt Nam lòt còp ngan ngồn lơgar Phần Lan bơh ngai 10 tus ngai 11/9. Drim ngai 10/9, tàm càr lơgar Helsinki, Chủ tịch Quốc hội Phần Lan mò Anu Vehvilainen neh đơng lam dơ̆ wă ngan ngồn Chủ tịch Quốc hội ồngVương Đình Huệ.

Chủ tịch Quốc hội ồng Vương Đình Huệ cribơyai mờ Chủ tịch Quốc hội Phần Lan

Tơnơ̆ dơ̆ wă, Chủ tịch Quốc hội ồng Vương Đình Huệ mờ Chủ tịch Quốc hội Phần Lan mờ Mpồl Kuang bàng kấp dờng màng Quốc hội 2 lơgar dê bơyai lơh dơ̆ cribơyai. Tàm dơ̆ cribơyai, 2 gah đơs là, bơta gĭt gơ̆p lơh broă bal đah Quốc hội 2 lơgar dê geh gàr niam bơnĕ ngan bơh dơ̆ cribơyai bàr pe mpồl kuang bàng mpồl kấp Kuang đơng lam bồ mờ ală anih lơh broă bơh Quốc hội dê. Quốc hội 2 gah kung pal pơgồp bal geh jơnau đơs mờ tă pơgồp bal kuơ màng tàm bơta gĭt gơ̆p đah EU mờ ASEAN kung bè tàm ală broă lơh mờ 2 lơgar là lơgar tàm mpồl, mờ tàm ală broă mờ 2 gah geh nùs nhơm bal mờ gơnoar broă chủ nghĩa uă lơgar nàng sơlơ tơnguh bơta ring lơngai, gơnoar kòn bơnus mờ bơtàu tơnguh kơ̆ kơljap.

Cau mblàng K’Hạnh