VOV4.K’ho- Mang ngai 02/04, tàm Hìu lơh broă Quốc hội, ồng Vương Đình Huệ Chủ tịch Quốc hội neh cribơyai tàm điện thoại mờ Chủ tịch Quốc hội lơgar Lào ồng Saysomphone Phomvihane.

                  Chủ tịch Quốc hội ồng Vương Đình Huệ cribơyai tàm điện thoại mờ Chủ tịch Quốc hội Lào

Gờm chờ ồng Saysomphone Phomvihane geh Quốc hội lơgar Lào pin dờn uă pồ at gơnoar broă là Chủ tịch Quốc hội lơgar Lào khoá 9, Chủ tịch Quốc hội ồng Vương Đình Huệ đơs ngan, Việt Nam sùm sền dờng màng mờ lời ai lài ngan ai bơta gĭt gơ̆p kuơ màng mờ lơgar Lào, sền do là broă lơh jŏ jòng geh kuơ kis jŏ gơwèt mờ jơh 2 lơgar dê; rcang lài tam pà bal mờ dong kờl bal, tơl làm kuang đơng lam bồ mờ làng bol lơgar Lào tàm broă lơh bơt bơtàu dà lơgar Lào pas sơm.

Bàr lơgar pơn jat tai bơyai lơh ală dơ̆ cribơyai nàng bal mờ gơ̆p kơlôi sơnơng tơngume khoa học, bơyai lơh pơlam tàp tơnguh uă bơta jak chài ai Kuang bàng Quốc hội, Kuang bàng Hội đồng Nhân dân kấp càr mờ Kuang bàng ờs drơng broă lơh bơh Quốc hội lơgar Lào in. Bàr gah bal mờ gơ̆p lòt sền, sền gròi mờ sồr lơh ngan tơnguh lơh broă bal bè lơh sa, ngan là kă bro, bơcri priă, bơyai lơh ală Hiệp định, hiệp ước mờ ală jơnau ring bal đah 2 Chính phủ dê neh kĭ.

Cau mblàng K’ Hạnh