VOV4.K’ho- Drim ngai 17/8, tàm Hìu lơh broă Quốc hội, Chủ tịch Quốc hội ồng Vương Đình Huệ đơng lam mờ đơs mut pơrjum dơ̆ 2 bơh Ủy ban Thường vụ Quốc hội dê. Đơs mut pơrjum, Chủ tịch Quốc hội ồng Vương Đình Huệ sồr pal bơsong gơtùi bơta pà khà jờng jat bơta pà lài khà jờng hơ̆ sồng sền sơ wì tơnơ̆, blơi khà jờng tàm pơrlòng. Ủy ban Thường vụ Quốc hội kung sồr Chính phủ pal pơn jat tai kờp sền gơ wèt tus mờ broă bơtơl broă lơh pà khà jờng “Gai lòng ơruh pơnu lam lài pơn iờ să” tàm rơndap lơh adat Tàm pơrlòng, pà khà jờng (tam gơl).

Ai jơnau đơs bè jơnau yal bơh Chính phủ dê bè broă lam lơh ală bơta dong kờl bè Bảo hiểm xã hội, atbồ mờ ngui kes priă Bảo hiểm xã hội nam 2020, Ủy ban Thường vụ Quốc hội dan Quốc hội pơn jat tai sơlơ sền gròi broă lam lơh ală broă dong kờl, adat boh lam bè Bảo hiểm xã hội, bảo hiểm ờ geh broă lơh. Ƀùi mho, Ủy ban Thường vụ Quốc hội sền sơ wì, lơh nền bè kơrnuat pal jat, khà jàu mờ khà tam pà kờp dŭ tă dơ̆ ngui sùm kes priă dà lơgar nam 2022 mờ sền sơ wì jơnau dan gròi sền bơh Hội đồng Dân tộc dê bè broă tam pà khà tiah kơh bơnơm, ù tiah jơnhua.

Cau mblàng K’Duẩn