VOV4.K’ho - Drim òr 910/06), tàm hìu Quốc hội, geh bơyai lơh pơrjum dơ̆ 7 bơh Mpồl duh broă tĕ khà Dà lơgar. Chủ tịch Quốc hội, Chủ tịch mpồl duh broă tĕ khà dà lơgar ồng Vương Đình Huệ đơng lam pơrjum.

           Chủ tịch Quốc hội ồng Vương Đình Huệ đơng lam pơrjum dơ̆ 7 Mpồl duh broă tĕ khà dà lơgar

Đơs tàm pơrjum, Chủ tịch Quốc hội ồng Vương Đình Huệ pà gĭt, tơnơ̆ mờ broă rơcang geh bơyai lơh nền nòn, khoa học mờ bơceh lơh kung bè lơh jăk chài ngan, dơ̆ tĕ khà kuang bàng Quốc hội, kuang bàng Hội đồng Nhân dân ală cấp geh bơyai lơh tàm nùs nhơm chờ hờp, chờ chơh, lơh tờm, ring bal, di mờ adăt boh lam, ờ do ờ dă, tềm pềr, geh cồng nha niam bơnĕ ngan.

Tàm pơrjum do, Mpồl duh broă tĕ khà dà lơgar pơgồp jơnau đơs mờ pờ tê ring bal sră nggal tơn jơh dơ̆ tĕ khà kuang bàng Quốc hội khoă 15; Nghị quyết yal bơr cồng nha tĕ khà, khà măt ală cau geh pồ kuang bàng Quốc hội khoă 15. Bè gùng dà broă lơh, tơngai, bơnah kuang bàng, tơngu me broă lơh pơrjum gùt lơgar tơn jơh dơ̆ tĕ khà kuang bàng Quốc hội khoă 15 kuang bàng HĐND ală cấp tơngai bơh nam 2021 tus 2026, Chủ tịch Quốc hội ồng Vương Đình Huệ sồr geh bơyai lơh jăt broă pờ tơlĭk tơn mờ pờ tơlĭk tàm internet tus mờ 63 càr, ƀòn dờng. Pơrjum kờp dŭ geh bơyai lơh tàm ngai 15 nhai 7 nam 2021.

Cau mblàng Ndong Brawl