VOV4.K’ho - Drim òr (12/07), tàm hìu Quốc hội, Chủ tịch Quốc hội, Chủ tịch Mpồl duh broă tĕ khà Dà lơgar ồng Vương Đình Huệ neh đơng lam pơrjum dơ̆ 8, do là pơrjum lồi dŭt bơh mpồl duh broă tĕ khà Dà lơgar dê.

Chủ tịch Quốc hội ồng Vương Đình Huệ đơng lam pơrjum dơ̆ 8 bơh Mpồl duh broă tĕ khà dà lơgar

Chủ tịch Quốc hội ồng Vương Đình Huệ pà gĭt, tơnơ̆ mờ tŭ neh dờp gơnoar broă kuang ala măt, jơh ală cấp HĐND tus tŭ do neh lơh gơs pơrjum dơ̆ sơnrờp mờ neh lơh gơs broă pồ kuang bàng bơh HĐND, UBND bơh cấp càr, cấp kơnhoàl tus mờ cấp xã. Chủ tịch Quốc hội neh kĭ khà măt cau geh pồ Chủ tịch, Phó Chủ tịch HĐND cấp càr. Tàm pơrjum dơ̆ sơnrờp, Quốc hội khoă 15 neh pồ tơl kuang bàng đơng lam tờm Dà lơgar dê bal mờ kuang bàng dờng màng mờ kờp jơh geh 50 nă kuang bàng đơng lam dờng. Bè hơ̆, tơnơ̆ mờ pơrjum dơ̆ sơnrờp bơh Quốc hội khoă 15, jơh ală broă kuang bàng đơng lam ală cấp geh lơh sir tơnơ̆ mờ pơrjum dờng.

Cau mblàng Ndong Brawl