VOV4.K’ho - Drim òr (04/11), Chủ tịch Quốc hội ồng Vương Đình Huệ neh đơng lam Pơrjum lơh jăt broă sền gròi bơh Quốc hội mờ Ủy ban Thường vụ Quốc hội nam 2022. Pơrjum geh pơgồp bal tàm internet tus 63 anih pờ tàm ală càr, ƀòn dờng tàm gùt lơgar.

                               Chủ tịch Quốc hội ồng Vương Đình Huệ đơng lam Pơrjum

Đơs tàm dơ̆ sơn đờm pơrjum, Chủ tịch Quốc hội ồng Vương Đình Huệ pà git, tơngai do, Ủy ban Thường vụ Quốc hội neh tơrgùm bơta pràn, ai uă tơngai, cau lơh broă, ai broă rơcang broă sền gròi in. Tàm nam 2022, Quốc hội geh bơyai lơh 4 dơ̆ sền gròi jăt tơngu me, tàm hơ̆ geh 2 tơngu me sền gròi dờng màng bơh Quốc hội, tơngu me broă lơh jăt broă dong kờl adăt boh lam bè broă rơndăp lơh bơh tŭ adăt rơndăp lơh geh ngui, broă lơh jăt broă dong kờl adăt boh lam bè broă lơh jăt broă tềm pềr, sơndră mờ hoàc huơr tơngai bơh nam 2016 tus 2021. Tàm 4 dơ̆ sền gròi, Ủy ban Thường vụ Quốc hội geh rơndăp broă hòi jà ală anih lơh broă bơh Quốc hội, mờ jào kơnòl ai 63 mpồl kuang bàng Quốc hội al ă càr, ƀòn dờng mờ 63 Hội đồng Nhân dân ală càr, ƀòn dờng tus bal; hòi jà jơh bơta pràn bơh ală anih lơh broă geh gơnoar, ală mpồl lơh broă tus bal.

Cau mblàng Ndong Brawl