VOV4.K’ho- Drim ngai 30/9, tàm Hìu lơh broă Quốc hội, Chủ tịch Quốc hội ồng Vương Đình Huệ đơng lam dơ̆ lơh broă pờ tơn tàm internet mờ ală mpồl lơh sa kă bro dờng màng bơh Mpồl duh broă kă bro Mỹ mờ ASEAN. Dơ̆ lơh broă geh lơh jat jơnau sồr bơh đah Mpồl duh broă kă bro Mỹ mờ ASEAN, geh tơrbŏ pờ tơn tàm internet mờ uă anih pơrjum pờ tơlik tơn geh: Hìu lơh broă Quốc hội Việt Nam, càr lơgar Washington (lơgar Mỹ), Singapore, Philippines mờ tàm 2, 3 lơgar ndai tàm dunia, kờñ ai tơnggŏ jơnau hơ pơrgon bơh anih lơh sa dùl nă să is lơgar Mỹ dê mờ gơnoar broă là lơgar lơh broă bal mờ là bơta pràn pin dờn ngan tàm broă tơnguh ală jơnau kờñ sền gròi lài, kuơmàng là tam gơl số mờ bơtàu tơnguh kơ̆ kơljap bơh lơgar Việt Nam dê.

Chủ tịch Quốc hội ồng Vương Đình Huệ

Dơ̆ lơh broă gam kờñ pơn jat tai tơnguh git gơp lơh sa, kă bro, bơcri priă đah 2 gah bơh ală dơ̆ cribơyai mờ cih dờp ală jơnau đơs mùl màl bơh đah ală mpồl lơh sa kă bro lơgar Mỹ dê gơ wèt tus mờ broă lơh sa, kă bro jat gơnoar broă bơh Quốc hội dê, bơta tă pơgồp bơh Mpồl duh broă mờ ală mpồl lơh sa kă bro lơgar Mỹ dê gơ wèt tus mờ broă bơt bơtàu ală broă lam lơh lài bơh Quốc hội Việt Nam dê, kung bè ală jơnau sồr bơh đah lơgar Việt Nam dê gơ wèt tus mờ ală broă lơh kă bro, bơcri priă mờ rề ơnàng bơcri priă bơh mpồl lơh sa kă bro lơgar Mỹ dê tàm lơgar Việt Nam.

Cau mblàng K’Duẩn