VOV4.K’ho - Drim òr (17/05), tàm hìu Quốc hội, Chủ tịch Quốc hội ồng Vương Đình Huệ lơh broă mờ Ban Dân nguyện gơwèt Ủy ban Thường vụ Quốc hội.

Chủ tịch Quốc hội ồng Vương Đình Huệ lơh broă mờ Ban Dân nguyện

Chủ tịch Quốc hội ồng Vương Đình Huệ đơs tờm, broă làng bol kơ̆p kờ mùl màl là broă wă làng bol tơngai do neh dong kờl Ủy ban Thường vụ Quốc hội lơh jăt kơnòl sền gròi, bơsong jơnau yal yă, jơnau dan bơh làng bol geh cồng nha niam, chồl pràn kơnòl mblàng bơh ală anih lơh broă, tàm hơ̆ uă ngan là cau lam bồ tềng đăp mờ ală jơnau yal yă, yal khài, jơnau dan bơh làng bol, geh cau tĕ khà ring bal; pơgồp bal tàm cồng nha bal bơh Quốc hội khoă 14 dê.

Tàm tơngai tus, Ban Dân nguyện pal ai kơnòl tờm, tàm hơ̆ uă ngan là bơh tŭ do tus ngai tĕ khà kuang bàng Quốc hội khoă 15 mờ kuang bàng Hội đồng Nhân dân tơngai lơh broă bơh nam 2021 tus 2026. Chủ tịch Quốc hội ồng Vương Đình Huệ đơs tờm, Ban Dân nguyện pal bơ̆t bơtàu rơndăp broă lơh tơrgùm bal tơnguh bơta pràn, bơta geh, cồng nha tàm tơngai lơh broă tus do, yal mờ Quốc hội khoă 15 nàng geh ai tàm broă lơh bơh Đảng đoàn Quốc hội tàm tơngu me pơn jăt tai ală cồng nha neh lơh geh.

Cau mblàng Ndong Brawl