VOV4.K’ho- Mho ngai 22/4, lơh broă mờ Thường trục Ủy ban priă jền, Kes priă dà lơgar bơh Quốc hội dê, ồng Vương Đình Huệ Chủ tịch Quốc hội sồr lơh sir broă lơh jŏ jòng bơt bơtàu adat boh lam nàng kờñ lơh bơnàng jă kơrnoat boh lam dơ̆ lĕ bal ai broă tam gơl pa, tơnguh uă cồng nha atbồ priă jền, kes priă dà lơgar dê.

Tàm dơ̆ lơh broă, ồng Vương Đình Huệ Chủ tịch Quốc hội sồr Ủy ban Priă jền, kes priă dà lơgar rcang lài lòt sền, sền gròi bơta geh ngan lài mờ tŭ sền sơ wì lùp sền ală tơngume Ủy ban geh tam pà bal, đơng lam bè bơta kes priă dà lơgar, kờp dŭ tơn jơh dơ̆ ngui priă jền. Tềng đap mat là jơnau yal sền sơwì cồng nha lơh jat kes priă dà lơgar 6 nhai bồ nam do; jơnau yal tam pà bal kes priă dà lơgar nam 2021 ai ală broă lơh jơnau kờñ dà lơgar; rơndap cih Nghị quyết bè bơta pal jat, broă jàu mờ khà tam pà priă tă ngui sùm kes priă dà lơgar nam 2022 dê. Chủ tịch Quốc hội sồr Ủy ban Priă jền, Kes priă dà lơgar bơyai ai ală mpồl sền gròi, lòt sền sùm drơng broă lơh sền sơwì lùp sền bè ală tơngume yal mờ Quốc hội in tàm pơrjum dơ̆ 1 mờ pơrjum dơ̆ 2, Quốc hội khoá 15 dê.

Cau mblàng K’ Hạnh