VOV4.K’ho- Di tŭ ồng Hosoda Hiroyuki geh pin dờn pồ lơh Chủ tịch Hạ viện lơgar Nhờk, Chủ tịch Quốc hội ồng Vương Đình Huệ neh pơyua sră nting bơr gờm chờ. Tàm sră pơyua, Chủ tịch Quốc hội ồng Vương Đình Huệ ai tơnggŏ bơta chờ hờp sền gŏ, mờ bơta lơh ngan bal bơh 2 gah dê, git gơp lơh broă bal jŏ jòng jrô ơnàng tài ring lơngai, pas sơm tàm châu Á đah Việt Nam mờ Nhờk ngai sơlơ bơtàu tơnguh pràn kơldang mờ ngan ngồn tàm tơl gah broă lơh; mờ kung pin dờn, ồng Hosoda Hiroyuki geh lơh gơs jak ngan kơnòl broă dờng màng he dê, pơgồp bơnah lam lơgar Nhờk pơn jat tai bơtàu tơnguh pas sơm. Chủ tịch Quốc hội kơp kờñ gờñ geh tìp Chủ tịch Hạ viện Nhờk nàng bal mờ gơp cribơyai bè gùng dà lơh broă bal đah 2 lơgar mờ đah Quốc hội Việt Nam mờ Hạ viện Nhờk tàm tơngai tus.

Cau mblàng K’Duẩn