VOV4.K’ho- Drim ngai 23/6, Chủ tịch Quốc hội ồng Vương Đình Huệ neh tìp mat cribơyai broă pờ tơlik tơn tàm internet mờ Chủ tịch Quốc hội Hàn Quốc ồng Park Byeong Seug. Chủ tịch Quốc hội ồng Vương Đình Huệ đơs nền, Việt Nam jơh nùs sền dờng màng mờ kơp kờñ bơtàu tơnguh git gơp lơh broă bal, lơh bơyô mờ Hàn Quốc, sùm sền Hàn Quốc là lơgar lơh broă bal kuơmàng, jŏ jòng mờ là dùl tàm ală lơgar lơh broă bal khà dùl tàm git gơp dunia bơh Việt Nam dê.

Tàm dơ̆ cribơyai, 2 Chủ tịch Quốc hội ndrờm đơs là, 2 gah pal pơn jat tai tơnguh git gơp lơh broă bal đah Quốc hội 2 lơgar mờ 2 lơgar ring bal ală broă lơh ngan ngồn bè sùm gàr ală dơ̆ lòt còp, tìp mat kấp dờng màng mờ ală kấp mờ ală broă lơh dipal; lơh gơlik bơta niam nàng ală tiah mờ làng bol 2 lơgar in sơlơ lơh broă bal, tìp mat lơh quèng; jơh nùs lam lơh ală broă lơh ngan ngồn tơngkah 30 nam ngai crơng gơs git gơp lơh broă bal 2 lơgar, tàm hơ̆ geh ală broă cribơyai, boh bơr đah ală anih lơh broă bơh Quốc hội 2 lơgar dê.

Cau mblàng K’Duẩn