VOV4.K’ho- Ngai 17/6, tàm hìu lơh broă Quốc hội, Chủ tịch Quốc hội ồng Vương Đình Huệ neh tìp mat cribơyai broă tàm internet mờ Ủy viên trưởng Ủy ban Thường vụ Quốc hội lơgar Lo (Chủ tịch Nhân đại- Chủ tịch Quốc hội) ồng Lật Chiến Thư. Tàm dơ̆ tìp mat cribơyai, 2 Chủ tịch Quốc hội ndrờm đơs nền bơta kuơmàng git gơp lơh broă bal jŏ jòng tơl làm đah Việt Nam mờ Lo tàm broă lơh mờ lơgar ndai bơh tơl lơgar dê, đơs niam ală cồng nha tàm git gơp kuơmàng bơh 2 Đảng, 2 lơgar, ngan là tìp mat lơh broă bal đah 2 Quốc hội tàm tơngai lài.

Nàng tơnguh git gơp lơh broă bal kuơmàng tơl làm Việt Nam mờ Lo pơn jat tai geh cồng nha, Chủ tịch Quốc hội ồng Vương Đình Huệ sồr 2 gah tơnguh tìp mat dờng màng mờ ală kấp, 2 gah sơlơ tìp mat lơh bơyô đah làng bol; sồr lơgar Lo sơlơ blơi phan bơna bơh lơgar Việt Nam dê, sền gròi, đơng lam mpồl lơh sa kă bro 2 lơgar bơsong ală rơndap broă lơh broă bal gam kòl yan; sơlơ pơgồp bal atbồ tiah nhàr dà lơgar tàm ù gờl, tơnguh tìp mat, kă bro mờ lơh broă bal đah ală tiah.

Cau mblàng K’Duẩn