VOV4.K’ho- Klo ngai, ngai 12/9, ồng Vương Đình Huệ, Chủ tịch Quốc hội mờ Mpồl Kuang bàng kấp dờng màng Quốc hội lơgar he neh rê tus ƀlàng rơndeh par Nội Bài, Hà Nội tơn jơh dơ̆ tus bal Pơrjum ală Chủ tịch Quốc hội dunia dơ̆ 5 tàm lơgar Áo, còp mờ lơh broă mờ Nghị viện châu Âu, lơgar Bỉ mờ còp ngan ngồn lơgar Phần Lan bơh ngai 5 tus ngai 11/9.

Dơ̆ lòt lơh broă tàm 3 lơgar châu Âu bơh ồng Vương Đình Huệ- Chủ tịch Quốc hội dê neh geh cồng nha niam bơnĕ

Dơ̆ lơh broă tus mờ 3 lơgar châu Âu, mơya, ồng Vương Đình Huệ mờ mpồl Kuang bàng kấp dờng màng Quốc hội lơgar he neh lơh broă mờ 5 lơgar lơh broă bal mờ tus bal rlau 70 broă lơh uă lơgar mờ 2 gah dê. Kuơ màng, tàm dơ̆ lòt còp do, Chính phủ Bỉ jàu tơn ai mpồl lơh broă in 100 rơbô ding vaccine. Chính phủ Slovakia pà 100 rơbô ding vaccine, bàr pe lơgar ndai kung gam sền sơwì broă dong kờl Việt Nam in vaccine mờ pà phan bơna măy mok rcang sơndră kòp. Bàr pe ală mpồl, anih lơh broă lơgar ndai, ală mpồl lơh sa kă bro dờng bơh Việt Nam dê tàm lơgar ndai kung neh blơi pà ală phan bơna măy mok gah lơh sơnơm rcang sơndră kòp Covid-19 nàng dong kờl Việt Nam, mờ kờp jơh khà priă gơguh tus 1 rơbô 028 tơmàn dolar Mỹ.

Cau mblàng K’Hạnh