VOV4.K’ho- Mang ngai 05/12, Ƀan Tuyên giáo dà lơgar bơyai lơh Broă lơh Tìp măt lơh quèng gùt lơgar ală cau pơnrơ jak tàm broă bơsram mờ lơh jăt bồ tơngoh, nùs nhơm, rài kis mờ broă lơh Hồ Chí Minh dê bal mờ mat hòi “Hồ Chí Minh- Gùng lòt Kơ̆p kờñ ngan nam 2021”. Jơh gùt broă lơh là ală jơnau yal ngoh rơngăc ngan, pơn dềt să ngan bè Ƀác Hồ, bè ală krơh tàm rài kis ờs mờng geh lơh gơlik jơnau gơdan bơh bồ tơngoh, nùs nhơm, rài kis mờ broă lơh Hồ Chí Mính dê. Ala măt kuang đơng lam Đảng, Dà lơgar, Chủ tịch Quốc hội ồng Vương Đình Huệ gờm chờ mờ jờng rơ ală mpồl cau, cau dùl nă să is pơnrơ jak tàm gùt lơgar mờ làng bol he tàm lơgar ndai.

Chủ tịch Quốc hội ồng Vương Đình Huệ đơs tàm dơ̆ lơh broă

Tàm ală tŭ lơh jăt Chỉ thị sồ 05 bè “Lơh pràn bơsram mờ lơh jăt bồ tơngoh, nùs nhơm, rài kis mờ broă lơh Hồ Chí Minh dê”, neh mờ gam geh ngai sơlơ uă krơh pơnrơ jak ngan, geh gơdờp lơh hô hơng gơhòi gơ jà kuang bàng đảng viên mờ làng bol jơh nùs bơsram mờ lơh jăt bồ tơngoh, nùs nhơm, rài kis mờ broă lơh Hồ Chí Minh dê. Chủ tịch Quốc hội ồng Vương Đình Huệ kơ̆p kờñ Ƀan Tuyên giáo dà lơgar mờ ală anih lơh broă, ală tiah pơn jăt tai lơh sùm mờ lơh jăt niam rlau tai ală broă lơh geh bơta kuơ jrô ơnàng do.

Cau mblàng Lơ Mu K’Yến