VOV4.K’ho- Mho ngai 25/8, Pơrjum Đại hội đồng Liên nghị viện Mpồl ală lơgar Đông Nam Á dơ̆ 42 (AIPA- 42) neh pơrjum tơn jơh, tơn jơh 3 ngai lơh broă pờ tơn tàm inteternet jal mhar, geh cồng nha. Mpồl kuang bàng dờng màng Quốc hội Việt Nam bơh Chủ tịch Quốc hội ồng Vương Đình Huệ lam bồ neh tus bal tàm anih pờ tơlik tơn tàm Hà Nội.

Tàm dơ̆ tơn jơh pơrjum, Chủ tịch AIPA, Chủ tịch Mpồl duh broă crơng gơs adat boh lam lơgar Brunei ồng Abdul Rahman Taib đơs loh, Đại hội đồng neh đơs nền bơta kuơmàng bơh lơh broă bal nghị viện, kuơmàng là ală jơnau hơ pơrgon bơh AIPA dê tàm broă bơt bơtàu mpồl bơtiàn ASEAN nàng bơt bơtàu tiah ơm kis ring lơngai, kơ̆ kơljap, pas sơm bal ai tiah do in.

Tơnơ̆ tŭ tơn jơh pơrjum neh geh lơh dơ̆ tàm jàu gơnoar broă Chủ tịch AIPA nam 2022. Campuchia ngan ngồn lơh Chủ tịch AIPA nam 2022. Chủ tịch AIPA- 43 yal, Quốc hội Campuchia geh đơng lam Đại hội đồng AIPA- 43 bơh ngai 12/9/2022. Bulah bè hơ̆, tàm tŭ tơngai kòp Covid-19 gam gơlik geh kal ke, den broă bơyai lơh pơrjum kung ờ hềt geh lơh nền.

Cau mblàng K’Duẩn