VOV4.K’ho - Tơnơ̆ mờ tŭ neh lơh jăt gơnoar bal mờ kơnòl làng bol bơh să tờm, bơh tiah đùh sră sồ 1, mpồl tĕ khà sồ 3 ƀòn dờng Hải Phòng dê, Chủ tịch Quốc hội ồng Vương Đình Huệ, Chủ tịch Mpồl duh broă tĕ khà Dà lơgar neh pơyoa nùs nhơm niam bơnĕ ngan tus mờ gùt làng bol, cau ling, cau tĕ khà tàm gùt lơgar tàm ngai kuơ màng dà lơgar dê.

                                Chủ tịch Quốc hội ồng Vương Đình Huệ hơ jơnau lùp bơh cau lơh ƀăo

Chủ tịch Quốc hội đơs tờm: “Tàm bơta kòp Covid-19 gam gơtìp pràn rơlao, ngòt rơngơ̆t rơlao, gơtờp tàm uă càr, ƀòn dờng, bol añ hô hơng pah ngai, pah jơ tàm broă rơcang ai ngai tĕ khà do. Ngai 22 nhai 5, he chờ hờp tŭ gùt lơgar geh 16 càr mờ 500 rơbô nă cau tĕ khà lòt đùh sră tĕ khà gờñ mờ geh 99,96% cau tĕ khà lòt đùh sră, tàm hơ̆ geh 14 tàm 16 càr geh 100% cau tĕ khà lòt đùh sră. Bơh dơ̆ tĕ khà do, he sơlơ gŏ bơta pràn bơh làng bol, tềng đăp mờ broă đơng lam bơh Đảng mờ ơnà jăk bơh Bác Hồ jăk chài, geh ai dà lơgar he pơn jăt tai geh ală jai pha, geh uă cồng nha dờng rơlao".

Cau mblàng Ndong Brawl