VOV4.K’ho- Dờp jơnau jà bơh Chủ tịch AIPA ồng Pehin Dato Abdul Rahman Taib, Chủ tịch Hội đồng crơng gơs Adat boh lam lơgar Brunei Darussalam dê, Mpồl Kuang bàng Quốc hội Việt Nam bơh ồng Vương Đình Huệ- Chủ tịch Quốc hội lam bồ mpồl geh tus bal pơrjum Đại hội đồng AIPA dơ̆ 42 (AIPA 42) jat broă lơh pờ tơlik tơn tàm internet, geh bơyai lơh bơh ngai 23 tus ngai 25/8 tus do mờ tơngume “Bơtàu tơnguh bơta gĭt gơ̆p lơh broă bal Nghị viện tàm gah kỹ thuật sồ glòm jơh bal wèt tus mờ Mpồl bơtiàn ASEAN nam 2025”.

Do là broă lơh lơh broă mờ lơgar ndai uă lơgar ngan ngồn sơnrờp bơh Chủ tịch Quốc hội mờ Mpồl Kuang bàng kấp dờng màng Quốc hội Việt Nam khoá 15 dê. Kờp dŭ, Chủ tịch Quốc hội ồng Vương Đình Huệ geh jơnau đơs kuơ màng tàm pơrjum tơrgùm bal Đại hội đồng AIPA 42, yal tơngĭt jơnau bè dùl Việt Nam sùm tam gơl pa, Quốc hội Việt Nam geh kơnòl, lơh ngan mờ rcang lài tàm broă lơh lơh broă bal mờ ală Nghị viện uă lơgar tàm tiah do dê.

Cau mblàng K’Hạnh